escorzaña
Paxina web oficial de la Peña Timoteína Escorzaña
Entamu
San Timoteo yia la meyor folixa d'Asturias, conozse por dayuri, ya cada vuelta arrexunta en L.luarca xente de l.lugares más variaos.
Tolo que necesitéis saber de la fiesta, tenéislo na sou sección d'esta web, pa los que yá la conocéis, vamos presentanos. Somos la Peña Escorzaña, qu'en castel.lanu quier dicir "borrachera" . L.levamos del.los anus d'esistencia cumo peña oficial, n'esti tiempu yá algamamos a ser una de las más conocidas, gracias al esfoutu que tenemos n'el.la, sacando pegatinas, camisetas, ya demás material.
La peña fundóuse a finales del 2001, anque'l nuesu primer San Timoteo foi en 2002. L'espuxigue de la peña foi esponencial d'entós p'acó, sobre tou nos primeros anus, lo que tuvo las sus ventaxas pero tamién pudo torgar las xeiras a facer. Encomenzamos a venos desbordaos de socios ya tuvimos dalgún problema d'organización, normales en cualisquier asociación: socios folgazanes que nun andechaben, del.los problemas na directiva... Pasaos los problemas, agora la peña yá cumplióu 5 anus, que nun son poucos.
Anguanu, la peña cunta con más de cincuenta socios, propiedades ente las que s'alcuentra un carru iguáu pa poder axeitar mui guapamente unos barriles de sidra, numarosu material feitu por nós (camisetas, chambrones, chisqueiros...), organizamos una folixa con concursu de cerveza, ya sobre too cunta cola gayola que-y pon muita xente que quier tanto a L.luarca cumo a San Timoteo, ya eso yia abondo pa garantizanos, polo menos, outros 5 anus más.
¡PUXA SAN TIMOTEO!