escorzaña
Paxina web oficial de la Peña Timoteína Escorzaña
San Timoteo
Entamu
¿Qué dicir de la meyor folixa d'Asturias? Pues pueden dicise muitas cousas, vamos escomenzar:
Celébrase'l día 22 d'Agostu en L.luarca (Asturias), anque las fiestas yá escomienzan a primeiros de mes cola nueite celta. La última selmana, anantias del 22, hai verbenas tolos días, siendo asina la selmana grande qu'esperamos tou l'anu. Pero lo que más destaca de la nuesa fiesta yia, de xuru, el día 22. Eso sí, las 24 horas, porque desque dan las 12 la nueite del 21, nun ves la cama fasta'l día 23, siendo tou'l tiempu una xuerga qu'escomienza na playa colos fuegos artificiales ya los chiringos, ya acaba de la que teas mayáu.
El día 22 veise al práu de San Timoteo a chumar, cumo diz la tradición, sidra ya namás que sidra, fasta que yá nun puedas más. Ésta yia la razón pola qu'un de los sitios más transitaos del práu sía una fastera chena de matos onde se vei mexar. La mañana'l 22, el santo sal, de magar las 12, a dar un paséu pol práu, lo que la xente celebra tirándo-y "confeti" ya cantándo-y'l "cumpleaños feliz", a la vez qu'el santu, agradecíu, bail.la ensin parar gracias a los miembros de la cofradía que lo l.levan al costazu. Despuós del "cumpleaños feliz", vien el "ven a L.luarca", l'himnu d'Asturias ya, cumo non, el de San Timoteo, cantares ensin los que la fiesta nun iba ser lo mesmo. Una vez el santu tea en dientro de la capiel.la, sácanse empanadas, tortillas, chorizos..., siempre acompangaos de sidra a esgaya. A partir d'esa hora, yia cuando'l puestu de la "cruz bermeya" que ta no práu escomienza col trabayu. A partir de las 5 o las 6 la tarde, el campo yia un cachondeo...
La vuelta dica L.luarca faise en grupu ya colas charangas, no que yia pa muitos el meyor momentu de la fiesta. Miles son las personas que baxan cantando ya pidiendo augua, que la xente nun dexa de tirar polas ventanas de la ciudá pa dexalos pingando. Éstos, gustosamente, agradecen con cánticos de "sois coyonudos, sois coyonudos". Una vez na plaza de L.luarca, la xente acaba nel rigu Negro, poniendo fin a un día de sidra, agua, ya sobre too muita folixa.
Uniforme timoteíno
- Chambron:
- Vestimenta oficial timoteína, yia asemeyáu a un blusón, cada un puede facelo de la tela que quiera. Vense rayaos, a cuadros, con dibuxos d'esbardos, estrel.las, ou lo que se quiera. Eso sí, yia imprescindible una T al l.lombu.
- T de pán:
- Pos eso, una T de pan duru canigándose al pescuezu. Si sos cofrade, faiste con el.la'l dia'l bol.lu, si non en cualisquier panadería
- Cayau:
- Cayáu de madera de cualisquier color o forma. L'himnu de San Timoteo nun iba ser el mesmo ensin cientos de bastones irguíos delantre de la capiel.la. A parte dáse-y un buen uso pa escanciar meyor la sidra.
- Nun yia parte del uniforme, pero amestámosla n'esta sección porque yia tan importante (ou más) que l'atuendu. Vese pol práu xente ensin chambrón ou cayáu, pero duldo poder atoupar a daquién ensin sidra.
Himno de San Timoteo(Versión orixinal n'español)
Dia de San Timoteo dia del Santo Patron despiertan a los vecinos, agolpe de volador y detras del pan y el vino enarbolando el bastón van pasando los cofrades las gaitas y el giganton ESTRIBILLO Timoteo, eo, eo ¡EO! Timoteo, eo, a y San Timoteo que todo lo vé ¡Ei! nos bendecirá ¡Ei! nos bendecirá y San Timoteo que todo lo vé ¡Ei! nos bendecirá Noche de San Timoteo noche del Santo Patron por la ribera del rio baja un tropel de ilusion que traen de la romeria, encendida la canción que cantan tras los requintos camino del chapuzon ESTRIBILLO Timoteo, eo, eo ¡EO! Timoteo, eo, a y San Timoteo que todo lo vé ¡Ei! nos bendecirá ¡Ei! nos bendecirá y San Timoteo que todo lo vé ¡Ei! nos bendecirá
Himno de San Timoteo(Tornau al Asturianu)
Dia de San Timoteo dia del Santu Patrón despiertan a los vecinos, a golpe de volador ya detrás del pan ya'l vinu enarbolando el cayáu van pasando los cofrades las gaitas ya'l el xigantón ESTRIBILLO Timoteo, eo, eo ¡EO! Timoteo, eo, a y San Timoteo que too lo vé ¡Ei! vei bendecinos ¡Ei! vei bendecinos y San Timoteo que too lo vé ¡Ei! vei bendecinos Nueite de San Timoteo nueite del Santu Patrón pola veiga'l rigu baxa un tropel d'ilusión que traen de la romeria, prendío'l cantar que cantan tras los requexos camín del chapuzón ESTRIBILLO Timoteo, eo, eo ¡EO! Timoteo, eo, a ya San Timoteo que too lo vé ¡Ei! vei bendecinos ¡Ei! vei bendecinos y San Timoteo que too lo vé ¡Ei! vei bendecinos
